Modern South India

దక్షిణ భారతదేశ చరిత్ర గురించి ప్రత్యేకంగా రచించిన పుస్తకాలు తప్ప భారతదేశ చరిత్రలో భాగంగా దక్షిణ భారతదేశ చరిత్ర ఇప్పటికీ నిర్లక్ష్యానికి గురవుతూనే ఉంది. కె.ఎ. నీలకంఠశాస్త్రి ‘దక్షిణ భారత దేశచరిత్ర’ దక్షిణ భారత చరిత్రగ్రంథాలలో ప్రథమగణ్యమైనది. దాని కొనసాగింపుగా చెప్పుకోదగిన రచనలు రాలేదు. ఈ నేపథ్యంలో రాజ్‌‌మోహన్ గాంధీ ‘ఆధునిక దక్షిణ భారతదేశం’ చాలా విలువైన పుస్తకం. రచయిత స్వయానా చక్రవర్తుల రాజగోపాలా చారి మనుమడు. రాజాజీ కుమార్తె లక్ష్మికుమారుడు. గాంధీజీకి కూడా మనుమడు. ఆధునిక భారతదేశ చరిత్రతో ప్రత్యక్షంగా సంబంధం కలిగినవాడు. గాంధీ, రాజాజీల జీవిత చరిత్రకారుడు కూడా. ఈ ప్రత్యక్ష సంబంధం ఈ పుస్తకంలో స్పష్టంగా వ్యక్తమవుతుంది.