ఆపద్బాంధవి ఉరఫ్‌ పాపాలభైరవి

ఇంగ్లాండులో పుట్టి పెరిగి అమెరికాలో స్థిరపడ్డ పి.జి. వుడ్‌హౌస్‌కి తెలుగు రాదు; నేర్చుకునే ప్రయత్నమన్నా
చేసినట్టు దాఖలాలు లేవు. ఆయనకే తెలుగు తెలిసుంటే - గీతల్లో, రాతల్లో, సినిమాల్లో - సునిశిత హాస్యం,
చమత్కారం, వ్యంగ్యం, చురకలు, మాటవిరుపులు, చెణుకులు, కొత్త కొత్త ప్రయోగాలు యింకా యింకా... లతో
అర్ధశతాబ్ద్దానికి పైబడి తెలుగువారిని రంజింపచేస్తూన్న జంటని చూసి ఔనని తల పంకించేవారు. ముచ్చటపడి
మెచ్చుకుంటూ - తొంభయకి పైగా తను రాసిన రచనల్లో దేన్నోదాన్ని వారికి అంకితమిచ్చుండేవారాయన.