ఒక సామాజిక చైతన్యం నుంచి సామూహిక చేతన ద్వారా ఎదిగి వచ్చిన ఒక సామాన్య మానవుడి ప్రాపంచిక దృక్పథమే కొత్త కోణం.

కొత్త కోణం నిండా మనం చూడాల్సిన అనేక కొత్త కోణాలను లక్ష్మయ్య ఆవిష్కరించాడు. ఈ పుస్తకాన్ని తొమ్మిది విభాగాలుగా విభజించారు. ప్రజాస్వామ్యం మానవ హక్కులు, దళిత జీవితం - చరిత్ర, అంబేడ్కర్‌ అంబేడ్కరిజం, మార్క్సిజం - సోషలిజం, అభివృద్ధి నమూనాలు, విద్య వైద్యం, సామాజిక విప్లవ దార్శనికులు, ఆర్థికం బడ్జెట్‌లు, బౌద్ధందాకా ఆయన తాత్విక భూమిక ఏర్పడిన తీరు చర్చించవలసి వచ్చింది.కొందరి కన్నీళ్ల పరిభాషకు భాష్యం చెప్పారాయన.