ఇలాగే ఓ లక్షరూపాయలిచ్చి దాన్ని ముప్ఫయిరోజుల్లో దానంచేయకుండా, పారేయకుండా ఖర్చు చేస్తేనే నా పిల్లనిచ్చి పెళ్ళిచేస్తాను అన్నాడు వెనకటికొకడు.
తన దగ్గర పనిచేసే పెళ్ళయినవారిలో అత్యంత అనుకూల దాంపత్యం గడిపేవారికి ఓ డబ్బున్న మూర్ఖుడు కొంత డబ్బు బోనస్‌గా ఇచ్చాడు.
ఇంకొకడు కొంత డబ్బు బ్యాంక్‌లో వేసి నా ముగ్గురు కూతుళ్ళలో ఎవరు విడాకులు తీసుకుంటే వాళ్ళకే ఆ డబ్బు చెందుతుంది అని విల్లులో రాసాడు.
నిజానికి ఇవన్నీ డబ్బున్నవారి మూర్ఖత్వం అనిపించడంలా? చాలామంది ‘విటమిన్‌ యం’ సంపాదించడానికి నానా అవస్థలు పడుతుంటే, డబ్బున్న కొందరు మూర్ఖులు ‘విటమిన్‌ యం’ని ఇలా మూర్ఖపు పద్ధతుల్లో ఖర్చు చేస్తున్నారు.
డబ్బున్న ఇలాంటి ఇద్దరు మూర్ఖులు ముప్ఫయి ఏళ్ళ క్రితం రాసిన ఓ వింత వీలునామా, దాని వల్ల కలిగిన పరిణామాలే ఈ విటమిన్‌ ‘యం’ అనే వింత కథ.
